Al-Nassr အသင်းက ရော်နယ်ဒို၏ သားဖြစ်သူကို အသင်းကြီးတွင် ထည့်သွင်းကစားရန် စဉ်းစားနေကြောင်း သတင်းထွက်ပေါ်

ဆော်ဒီထိပ်တန်းကလပ် Al-Nassr အသင်းသည် လက်ရှိ လူငယ်အသင်း၌ ခြေစွမ်းပြနေသည့် ခရစ္စတီယာနို ရော်နယ်ဒို၏ အသက် ၁၆ နှစ်အရွယ် သားဖြစ်သူ ရော်နယ်ဒို ဂျူနီယာကို ၂၀၂၆-၂၀၂၇ ရာသီမှစ၍ အသင်းကြီး၏ လေ့ကျင့်ရေးအဖွဲ့တွင် ပါဝင်စေရန်နှင့် အခြေအနေပေါ်မူတည်၍ အဓိကပွဲစဉ်များ၌ ပါဝင်ယှဉ်ပြိုင်ခွင့် ပေးရန် စဉ်းစားလျက်ရှိကြောင်း သိရသည်။ အဆိုပါ အစီအစဉ် အကောင်အထည်ပေါ်လာပါက အသက် ၄၁ နှစ်အရွယ် ရော်နယ်ဒိုနှင့် သားဖြစ်သူတို့ တစ်သင်းတည်း၌ အတူတကွ ပွဲထွက်ကစားနိုင်မည့် အခွင့်အရေး ရရှိလာမည်ဖြစ်သော်လည်း Al-Nassr အသင်းဘက်ကမူ လက်ရှိအချိန်ထိ တရားဝင် သတင်းထုတ်ပြန်ထားခြင်း မရှိသေးပေ။