ဧရာဝတီတိုင်းဒေသကြီး၊တိုးမြစ်ရေသည် လာမည့် ၂၄ နာရီအတွင်း ဒီရေမြင့်တက်ချိန်၌ မအူပင်မြို့၏ စိုးရိမ်ရေမှတ်အထက် ကျော်လွန်ရောက်ရှိနိုင်

ဧရာဝတီတိုင်းဒေသကြီး၊ မအူပင်မြို့၏ တိုးမြစ်ရေသည် လက်ရှိတွင် စိုးရိမ်ရေမှတ်အောက် ၄ စင်တီမီတာအလိုသို့ ရောက်ရှိနေပြီး လာမည့် ၂၄ နာရီအတွင်း ဒီရေမြင့်တက်ချိန်၌ စိုးရိမ်ရေမှတ်အထက် ကျော်လွန် ရောက်ရှိနိုင်ကြောင်း မိုးလေဝသနှင့် ဇလဗေဒညွှန်ကြားမှုဦးစီးဌာနက ဩဂုတ်လ ၁၅ ရက်တွင် အသိပေး ထုတ်ပြန်ခဲ့သည်။ သို့ဖြစ်ပါ၍ မအူပင်မြို့နယ်အတွင်းရှိ မြစ်ကမ်းအနီးနှင့် မြေနိမ့်ပိုင်းတွင် နေထိုင်ကြသူများအနေဖြင့် ရေဘေးအန္တရာယ်ကို ကြိုတင်သတိပြုရန်နှင့် မြစ်ရေမြင့်တက်လာပါက အချိန်မီ ဘေးလွတ်ရာသို့ ရှောင်ရှားကြရန် မိုးဇလက သတိပေး နှိုးဆော်ထားသည်။