ဧရာဝတီတိုင်း၊မအူပင်မြို့ရှိ တိုးမြစ်ရေသည် လာမည့် ၂၄ နာရီအတွင်း စိုးရိမ်ရေမှတ် အထက်သို့ ကျော်လွန်ရောက်ရှိနိုင်ကြောင်း မိုးဇလ အသိပေး

ဧရာဝတီတိုင်းဒေသကြီး၊ မအူပင်မြို့ရှိ တိုးမြစ်ရေသည် လာမည့် ၂၄ နာရီအတွင်း ဒီရေမြင့်တက်ချိန်တွင် စိုးရိမ်ရေမှတ် အထက်သို့ ကျော်လွန် ရောက်ရှိနိုင်ကြောင်း မိုးလေဝသနှင့် ဇလဗေဒညွှန်ကြားမှုဦးစီးဌာနက ဩဂုတ် ၁၅ ရက်တွင် အသိပေး ထုတ်ပြန်ခဲ့သည်။လက်ရှိအချိန်တွင် တိုးမြစ်ရေသည် မအူပင်မြို့၏ စိုးရိမ်ရေမှတ်အောက် ၄ စင်တီမီတာ အလိုသို့ ရောက်ရှိနေခြင်းဖြစ်သည်။သို့ဖြစ်ပါ၍ မအူပင်မြို့နယ်အတွင်းရှိ မြစ်ကမ်းအနီးနှင့် မြေနိမ့်ပိုင်းတွင် နေထိုင်ကြသူများအနေဖြင့် ကြိုတင် သတိပြုကြရန်နှင့် မြစ်ရေမြင့်တက်လာပါက အချိန်မီ ရှောင်ရှားနိုင်ကြရန် မိုးလေဝသနှင့် ဇလဗေဒညွှန်ကြားမှုဦးစီးဌာနက နှိုးဆော်ထားသည်။