ပြည်တွင်း ရွှေဈေးနှုန်း အခေါက်ရွှေ တစ်ကျပ်သားလျှင် ကျပ်သိန်း ၁၀၀ ကျော်သို့ ပြန်လည်မြင့်တက်လာ

ပြည်တွင်း ရွှေဈေးကွက်အတွင်း ကျပ် ၉၄ သိန်းဝန်းကျင်အထိ ကျဆင်းခဲ့သည့် အခေါက်ရွှေဈေးမှာ ဩဂုတ် ၁ ရက်နေ့မှစ၍ တဖြည်းဖြည်း ပြန်လည်မြင့်တက်လာခဲ့ရာ ဩဂုတ် ၁၂ ရက်နေ့တွင် အခေါက်ရွှေ တစ်ကျပ်သားလျှင် ကျပ် ၁၀,၀၉၀,၀၀၀ (သိန်း ၁၀၀ ကျော်) သို့ ပြန်လည်ရောက်ရှိလာကြောင်း ရွှေရောင်းဝယ်သူများထံမှ သိရသည်။ထို့ပြင် ဈေးကွက်အတွင်း ၁၅ ပဲရည် ရွှေဈေးနှုန်းသည်လည်း တစ်ကျပ်သားလျှင် ကျပ် ၉,၆၉၀,၀၀၀ သို့ ဆက်လက်မြင့်တက်လာခဲ့ကြောင်း သိရသည်။