၃၇ ကြိမ်မြောက် အာဆီယံပတ်ဝန်းကျင်ဆိုင်ရာ အဆင့်မြင့်အရာရှိကြီးများ အစည်းအဝေးကို ကျင်းပ

(၃၇) ကြိမ်မြောက် အာဆီယံပတ်ဝန်းကျင်ဆိုင်ရာ အဆင့်မြင့်အရာရှိကြီးများ အစည်းအဝေးနှင့် ဆက်စပ်အစည်းအဝေးများ (37th ASOEN and Related Meetings) ကို မြန်မာနိုင်ငံက အိမ်ရှင်အဖြစ် တာဝန်ယူကာ ဩဂုတ်လ ၁၀ ရက်မှ ၁၃ ရက်အထိ Virtual (ဗီဒီယိုကွန်ဖရင့်) စနစ်ဖြင့် လက်ခံကျင်းပလျက်ရှိကြောင်း ဩဂုတ်လ ၁၂ ရက်တွင် သိရသည်။ နေပြည်တော်ရှိ PARKROYAL Hotel ၌ ဗဟိုပြုကျင်းပသည့် အဆိုပါအစည်းအဝေးတွင် သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန ပြည်ထောင်စုဝန်ကြီး ဦးဆန်းဦးက တက်ရောက်အမှာစကား ပြောကြားခဲ့ပြီး၊ ရာသီဥတုပြောင်းလဲမှု၊ ပလတ်စတစ်ညစ်ညမ်းမှု၊ ဇီဝမျိုးစုံမျိုးကွဲဆုံးရှုံးမှုနှင့် နယ်စပ်ဖြတ်ကျော် မီးခိုးမြူငွေ့ပြဿနာများကဲ့သို့သော သဘာဝပတ်ဝန်းကျင်ဆိုင်ရာ စိန်ခေါ်မှုများကို အာဆီယံအဖွဲ့ဝင်နိုင်ငံများ၊ ဆက်စပ်ဗဟိုဌာနများနှင့်အတူ လက်တွဲပူးပေါင်း ဖြေရှင်းဆောင်ရွက်သွားမည်ဖြစ်ကြောင်း ထည့်သွင်းပြောကြားခဲ့သည်။