ရှမ်းပြည်နယ်၊ ကလောမြို့နယ်၌ ကလောချောင်းရေကြီးမှုကြောင့် တင်ကျန်ခဲ့သည့် နှုန်းမြေများအား မီးသတ်တပ်ဖွဲ့က ရှင်းလင်းရေး ဆောင်ရွက်

ရှမ်းပြည်နယ်၊ ကလောမြို့နယ်၌ ကလောချောင်းရေကြီးမှုကြောင့် အမှတ် (၄) ရပ်ကွက်ရှိ ပလောင်ဈေးလမ်း၊ ဘူတာလမ်းနှင့် အ.ထ.က (၁) စာသင်ကျောင်းတို့တွင် တင်ကျန်ခဲ့သော နှုန်းမြေများကို ဩဂုတ် ၁၁ ရက် နံနက် ၅ နာရီခွဲခန့်က ရှင်းလင်းရေးလုပ်ငန်းများ ဆောင်ရွက်ခဲ့ကြောင်း သိရသည်။အဆိုပါ ရှင်းလင်းရေးလုပ်ငန်းများကို ကလောမြို့နယ် မီးသတ်စခန်းမှ မီးငြှိမ်းသတ်ယာဉ် ၂ စီး၊ မီးသတ်ရေသယ်ယာဉ် ၁ စီး၊ အပေါ့စားမီးသတ်စက် ၂ လုံးတို့ဖြင့် သန္ဓေ၊ အရန်နှင့် သီးသန့်မီးသတ်တပ်ဖွဲ့ဝင်များ ပူးပေါင်း၍ ဆောင်ရွက်ပေးခဲ့ခြင်း ဖြစ်သည်။