မန္တလေးတိုင်းဒေသကြီး၊ကျောက်ဆည်မြို့နယ်၌ ဇော်ဂျီမြစ်ကမ်းပါး ပြိုကျသဖြင့် ကမ်းထိန်းလုပ်ငန်းများ အရေးပေါ် ဆောင်ရွက်လျက်ရှိ

မန္တလေးတိုင်းဒေသကြီး၊ ကျောက်ဆည်မြို့နယ်တွင် မိုးသည်းထန်စွာ ရွာသွန်းမှုကြောင့် ဇီးတောဆည်အောက်ဘက်ရှိ ဇော်ဂျီမြစ်ကမ်းပါး ပေ ၇၀ ခန့် ပြိုကျခဲ့သဖြင့် မြို့နယ်ဆည်မြောင်းဦးစီးဌာနနှင့် မီးသတ်တပ်ဖွဲ့ဝင်များ ပူးပေါင်းကာ မျောတိုင်ရိုက်ခြင်း၊ ဝါးကပ်ကာရံခြင်း၊ ကျောက်ကြီးနှင့် သဲအိတ်များ အဆင့်ဆင့်ခင်းခြင်းစသည့် ကမ်းထိန်းပြုပြင်ရေးလုပ်ငန်းများကို အရေးပေါ် ဝိုင်းဝန်းဆောင်ရွက်ပေးလျက်ရှိကြောင်း သိရသည်။