မန္တလေးတိုင်းဒေသကြီး၊ စဉ့်ကိုင်မြို့နယ်၊ မြောက်ကိုင်းကျေးရွာတွင် ရွာသားများမောင်းနှင်လာသည့် စက်လှေတစ်စီး တိမ်းမှောက်မှုဖြစ်ပွားခဲ့ရာ စက်လှေပေါ်ပါရှိသူ ၆ ဦးစလုံးအား အသက်ရှင်လျက် ကယ်ဆယ်နိုင်ခဲ့ကြောင်း မဏိစလ လူမှု/နာမှု ကူညီရေးအသင်းထံမှ သိရသည်။ အဆိုပါ စက်လှေတိမ်းမှောက်မှုဖြစ်စဉ်အတွင်း အမျိုးသား ၃ ဦး၊ ကလေးငယ် ၁ ဦးနှင့် အမျိုးသမီး ၂ ဦးတို့ကို ကယ်ဆယ်နိုင်ခဲ့ခြင်းဖြစ်ပြီး ၎င်းတို့အနက် ဒဏ်ရာစိုးရိမ်ရသည့် အမျိုးသမီးတစ်ဦးအပါအဝင် အမျိုးသမီး ၂ ဦးအား ဆေးရုံသို့ အချိန်မီ ပို့ဆောင်ကုသပေးခဲ့ရသည်။ ဖြစ်ပွားရာနေရာသို့ လူမှုကယ်ဆယ်ရေးအဖွဲ့များနှင့် သက်ဆိုင်ရာအဖွဲ့အစည်းများ ပူးပေါင်းကာ အရေးပေါ်ကယ်ဆယ်ရေးလုပ်ငန်းများကို အချိန်နှင့်တစ်ပြေးညီ ဝိုင်းဝန်းဆောင်ရွက်ခဲ့ကြကြောင်း သိရသည်
