ပုဂံရှေးဟောင်းယဉ်ကျေးမှုနယ်မြေတွင် ထိုင်းနှင့် မလေးရှားနိုင်ငံသား ဓာတ်ပုံပညာရှင်များ လာရောက်မှတ်တမ်းရိုက်ကူး

မန္တလေးတိုင်းဒေသကြီး၊ ညောင်ဦးမြို့၊ ပုဂံရှေးဟောင်းယဉ်ကျေးမှုနယ်မြေသို့ ထိုင်းနှင့် မလေးရှားနိုင်ငံသား ကမ္ဘာလှည့်ခရီးသွား ဓာတ်ပုံပညာရှင် ၁၂ ဦး ရောက်ရှိလာပြီး ဩဂုတ်လ ၁၀ ရက် နံနက်ပိုင်းမှစ၍ ဒေသဆိုင်ရာ ရှုခင်းများနှင့် ဒေသခံများ၏ လူနေမှုဘဝများကို မှတ်တမ်းတင် ရိုက်ကူးလျက်ရှိကြောင်း သိရသည်။ အဆိုပါ ဓာတ်ပုံပညာရှင်များသည် သတ်မှတ်စည်းကမ်းချက်များနှင့်အညီ အခွန်အခများ ပေးဆောင်ကာ စူဠာမဏိဘုရားပတ်ဝန်းကျင်၊ မြင်းကပါ၊ ပြဿာဒ်ကြီး၊ မင်းနန်သူနှင့် အနောက်ဖွားစောကျေးရွာတို့တွင် ဆက်လက်ရိုက်ကူးမည်ဖြစ်ရာ ဒေသခံ အငှားယာဉ်မောင်းများ၊ ဟိုတယ်/တည်းခိုခန်းများနှင့် ရိုက်ကွင်းဖန်တီးပေးသူများအတွက် လုပ်ငန်းဝင်ငွေများ ရရှိလျက်ရှိကြောင်း သိရသည်။