ရှမ်းပြည်နယ်၊ တောင်ကြီးမြို့နယ်၊ ရွှေညောင်မြို့တွင် ခိုးယူခံရသည့် ဆိုင်ကယ်ကို ရွှေညောင်နယ်မြေခံ ရဲတပ်ဖွဲ့ဝင်များ၏ စုံစမ်းဖော်ထုတ်မှုဖြင့် ခိုးယူသူနှင့်အတူ ပြန်လည်ဖမ်းဆီးရမိခဲ့ကြောင်း သိရသည်။ ဖြစ်စဉ်မှာ ရွှေညောင်မြို့၊ မင်္ဂလာရွှေဗဟိုရ်ရပ်ကွက်တွင် နေထိုင်သည့် ဦးနေဝင်းသည် ၎င်း၏ Kamax-110 အမျိုးအစား ခဲ(နက်/စိမ်း)ရောင် ဆိုင်ကယ်အား ဩဂုတ် ၈ ရက် မွန်းလွဲပိုင်းက နေအိမ်ကားဂိုဒေါင်အတွင်း ဇက်သော့ခတ်ရပ်နားထားခဲ့ရာမှ ဩဂုတ် ၉ ရက် နံနက် ၅ နာရီခန့်တွင် ပျောက်ဆုံးသွားခဲ့ခြင်းဖြစ်သည်။ ထိုသို့ ပျောက်ဆုံးသွားသဖြင့် ရဲစခန်းသို့ သွားရောက်တိုင်ကြားခဲ့ရာ ရဲတပ်ဖွဲ့က စုံစမ်းဖော်ထုတ်၍ ခိုးရာပါ ဆိုင်ကယ်နှင့်အတူ ကျူးလွန်သူအား ဖမ်းဆီးရမိခဲ့ခြင်းဖြစ်ကြောင်း သိရသည်။
ရှမ်းပြည်နယ်၊ ရွှေညောင်မြို့၌ ခိုးယူခံရသော ဆိုင်ကယ်အား တရားခံနှင့်အတူ ဖမ်းဆီးရမိ
Aug 10 • 4:13 AM
မြန်မာ
ရှမ်း
မျှဝေမည်
 11 |  0 |  0 |  0 |
