ကချင်ပြည်နယ်၊ မြစ်ကြီးနားမြို့ရှိ၊ ဧရာဝတီမြစ်ကမ်းဘေးတွင် အမျိုးသား ၁ ဦး ရေနစ်သေဆုံး

ကချင်ပြည်နယ်၊ မြစ်ကြီးနားမြို့နယ်၊ စီတာပူရပ်ကွက်ရှိ ဧရာဝတီမြစ်ကမ်းဘေးတွင် ဩဂုတ် ၉ ရက် ညနေ ၅ နာရီခန့်က လူတစ်ဦး ရေနစ်ပျောက်ဆုံးနေကြောင်း သတင်းရရှိသဖြင့် မြစ်ကြီးနားမြို့နယ် မီးသတ်စခန်းမှ ရှာဖွေကယ်ဆယ်ရေးယာဉ် ၁ စီး၊ စက်လှေ ၁ စီးနှင့် သန္ဓေမီးသတ်တပ်ဖွဲ့ဝင်များဖြင့် ရှာဖွေကယ်ဆယ်ရေး လုပ်ငန်းများ သွားရောက်ဆောင်ရွက်ခဲ့သည်။ အဆိုပါ ရေနစ်မှုဖြစ်စဉ်ကြောင့် သေဆုံးသွားသူ အမျိုးသား ၁ ဦး၏ ရုပ်အလောင်းအား မြစ်ကြီးနား ပြည်သူ့ဆေးရုံကြီးသို့ Myanmar Rescue အသင်း၏ သူနာတင်ယာဉ်ဖြင့် ပို့ဆောင်ပေးခဲ့ကြောင်း သိရသည်။