မြန်မာအမျိုးသမီးလိဂ် ပွဲစဉ် (၉) အဖြစ် ဧရာဝတီအက်ဖ်စီနှင့် ရှမ်းယူနိုက်တက်တို့ ယနေ့ညနေ သုဝဏ္ဏကွင်း၌ ထိပ်တိုက်တွေ့ဆုံမည်

မြန်မာအမျိုးသမီးလိဂ် ၂၀၂၆-၂၇ ရာသီ ပွဲစဉ် (၉) အဖြစ် လက်ရှိချန်ပီယံ ဧရာဝတီအက်ဖ်စီအသင်းနှင့် ခြေစွမ်းပြနေသည့် ရှမ်းယူနိုက်တက်အသင်းတို့သည် ယနေ့ (ဩဂုတ်လ ၉ ရက်) ညနေ ၄ နာရီတွင် ရန်ကုန်မြို့ရှိ သုဝဏ္ဏအားကစားကွင်း၌ ယှဉ်ပြိုင်ကစားကြမည်ဖြစ်သည်။ အမှတ်ပေးဇယားထိပ်ဆုံးမှ ISPE အသင်းကို ဖိအားပေးနိုင်ရန် အနိုင်သုံးမှတ် လိုအပ်နေသည့် ဧရာဝတီအသင်းသည် ဒဏ်ရာရကစားသမားများ ပြန်လည်စုံလင်လာသဖြင့် အင်အားပြည့် ပွဲထွက်လာနိုင်ကြောင်း သိရသည်။ တစ်ဖက်တွင်လည်း နောက်ဆုံး ၇ ပွဲဆက် ရှုံးပွဲမရှိစံချိန်နှင့်အတူ ခြေစွမ်းပြနေသည့် ရှမ်းယူနိုက်တက်အသင်းကလည်း ချန်ပီယံပြေးလမ်းတွင် ဆက်လက်ရပ်တည်နိုင်ရန် အမှတ်ရရှိရေး အစွမ်းကုန် ကြိုးပမ်းလာမည်ဖြစ်ကြောင်း  သိရသည်။