ချင်းပြည်နယ် ဖလမ်းမြို့တွင် ပျက်စီးသွားသည့် ဒေသခံနေအိမ်များ ပြန်လည်ပြုပြင်ရန် ဆောက်လုပ်ရေးပစ္စည်းများ ထောက်ပံ့ပေးအပ်

ချင်းပြည်နယ် ဖလမ်းမြို့ ပြန်လည်ထူထောင်ရေးနှင့် ပြန်လည်တည်ဆောက်ရေးလုပ်ငန်းများ ဆောင်ရွက်လျက်ရှိရာ ပျက်စီးသွားသည့် ဒေသခံနေအိမ်များ ပြန်လည်ပြုပြင်နိုင်ရေးအတွက် ဘိလပ်မြေ၊ သွပ်နှင့် သွပ်ရိုက်သံများကို ပျက်စီးဆုံးရှုံးမှုအခြေအနေအလိုက် ထောက်ပံ့ပေးလျက်ရှိကြောင်း သိရသည်။ ထို့အပြင် ဖလမ်းမြို့ သန့်ရှင်းသာယာလှပရေး ဆောင်ရွက်နေမှုများနှင့် ပျက်စီးသွားသည့် ဌာနဆိုင်ရာဝန်ထမ်းအိမ်ရာများ၊ ဒေသခံနေအိမ်များ ပြန်လည်ပြုပြင်နေမှု အခြေအနေများကို နယ်စပ်ရေးရာဝန်ကြီးဌာန ဒုတိယဝန်ကြီး ဗိုလ်ချုပ် ကျော်စွာဦး၊ ပြည်နယ်ဝန်ကြီးများနှင့် တာဝန်ရှိသူများက ဩဂုတ်လ ၈ ရက် နံနက်ပိုင်းတွင် သွားရောက်ကြည့်ရှုစစ်ဆေးခဲ့ကြောင်း သိရသည်။