မကွေးတိုင်းဒေသကြီး၊မင်းဘူး(စကု)မြို့နယ် ထုံးမကြီးကျေးရွာ၌ မြစ်ရေပြန်ကျသဖြင့် ပြန်လည်ထူထောင်ရေးလုပ်ငန်းများ ဆောင်ရွက်ပေးလျက်ရှိ

မကွေးတိုင်းဒေသကြီး၊ မင်းဘူး(စကု)မြို့နယ်တွင် ဇူလိုင်လကုန်ပိုင်းက မိုးသည်းထန်စွာရွာသွန်းပြီး ဧရာဝတီမြစ်ရေဝင်ရောက်ခဲ့သည့် ထုံးမကြီးကျေးရွာ၌ လက်ရှိတွင် ရေပြန်လည်ကျဆင်းသွားပြီဖြစ်၍ ဩဂုတ်လ ၇ ရက် နံနက်ပိုင်းမှစတင်ကာ သက်ဆိုင်ရာအဖွဲ့အစည်းများပူးပေါင်း၍ ပြန်လည်ထူထောင်ရေးလုပ်ငန်းများ ဆောင်ရွက်ပေးလျက်ရှိကြောင်း သိရသည်။ တာဝန်ရှိသူများက ရွာအတွင်းရှိ ဘုန်းတော်ကြီးကျောင်းနှင့် စာသင်ကျောင်းများတွင် အမှိုက်သရိုက်များနှင့် အညစ်အကြေးများ သန့်ရှင်းရေးလုပ်ခြင်း၊ သောက်သုံးရေအတွက် ရေတုံကင်နှင့် ရေဘုံပိုင်များ ပြုပြင်ပေးခြင်း၊ ရေတွင်း ရေကန်များကို အဘိတ်ဆေးခပ်ပေးခြင်းတို့အပြင် ဒေသခံတောင်သူများ၏ တိရစ္ဆာန်များကိုပါ ကာကွယ်ဆေးထိုးနှံပေးခြင်းများ ဆောင်ရွက်ပေးလျက်ရှိကြောင်း သိရသည်။