ရှမ်းပြည်နယ် တောင်ပိုင်း၊ အောင်ပန်းမြို့၊ နောင်ရဲကျေးရွာတွင် အသက် ၆ နှစ်အရွယ် ကလေးငယ်တစ်ဦးအား နားကပ်ဖြုတ်ယူ၍ ရေတွင်းထဲ တွန်းချ သတ်ဖြတ်ခဲ့သည့် အမျိုးသမီးကို ယမန်နေ့ ဩဂုတ် ၈ ရက်နေ့၌ ဖမ်းဆီးရမိခဲ့သည်။ အသက် ၁၉ နှစ်အရွယ် မမိုးမိုးထွေး (ခ) မမိုးစက် ဆိုသူသည် ဩဂုတ် ၆ ရက် ညနေပိုင်းက ကလေးငယ်ကို ခေါ်ဆောင်သွားပြီး ပစ္စည်းယူ လူသတ်မှု ကျူးလွန်ခဲ့ခြင်း ဖြစ်သည်။ အဆိုပါ ဖြစ်စဉ်နှင့် ပတ်သက်၍ ပြစ်မှုကျူးလွန်သူ အမျိုးသမီးအား အောင်ပန်း နယ်မြေရဲစခန်းမှ ပုဒ်မ ၃၀၂/၃၉၄ ဖြင့် အမှုဖွင့်လှစ်ကာ ဥပဒေအရ အရေးယူထားကြောင်း သိရသည်။
