စစ်ကိုင်းတိုင်းတွင် သဖန်းဆိပ်ဆည် ရေပိုလွှဲဖောက်ချမှုကြောင့် မြို့နယ် ၉ မြို့နယ်၌ ရေဘေးကြုံတွေ့နေရပြီး အကူအညီများလိုအပ်နေ

စစ်ကိုင်းတိုင်း၊ ကျွန်းလှမြို့နယ်ရှိ သဖန်းဆိပ်ဆည်မှ ရေပိုလွှဲဖောက်ချခဲ့ရာ ရွှေဘိုနှင့် ဒီပဲယင်းမြို့နယ်အပါအဝင် မြို့နယ် ၉ မြို့နယ်တွင် ရေကြီးရေလျှံမှုများ ဖြစ်ပွားလျက်ရှိကြောင်း တော်လှန်ရေးအင်အားစုများနှင့် ဒေသခံများထံမှ သိရသည်။ အဆိုပါ ဒေသများသည် မူလကပင် စစ်ဘေးသင့်နေသည့် နေရာများဖြစ်ခြင်းကြောင့် ကူညီကယ်ဆယ်ရေးလုပ်ငန်းများကို အပြည့်အဝ မလုပ်ဆောင်နိုင်သေးဘဲ အကူအညီများ အရေးတကြီးလိုအပ်လျက်ရှိကြောင်း သိရသည်။