မော်လမြိုင်မြို့ရှိ ဈေးကြိုမီးပွိုင့်လမ်းဆုံကို လမ်းပြင်ဆင်ရန်အတွက် ၁၂ ရက်ခန့် ယာယီပိတ်ထားမည်

မော်လမြိုင်မြို့ရှိ ဈေးကြိုမီးပွိုင့်လမ်းဆုံတွင် ပျက်စီးနေသည့် ကတ္တရာများအား တူးထုတ်၍ ကွန်ကရစ်လောင်းခြင်းလုပ်ငန်း ဆောင်ရွက်ရန်အတွက် လာမည့် ဩဂုတ်လ ၉ ရက်နေ့ ည ၉ နာရီမှ ဩဂုတ်လ ၂၁ ရက်နေ့အထိ ၁၂ ရက်ခန့် ယာယီပိတ်ထားမည်ဖြစ်ကြောင်း သိရသည်။ အဆိုပါ လမ်းယာယီပိတ်ထားမည့် ရက်များအတွင်း ခရီးသွားပြည်သူများအနေဖြင့် အခြားလမ်းကြောင်းများနှင့် လမ်းလွှဲများမှတစ်ဆင့် အစားထိုး သွားလာနိုင်မည်ဖြစ်ကြောင်း သိရသည်။