မန္တလေးတိုငိးဒေသကြီး၊မတ္တရာမြို့နယ်တွင် တံငါချောင်းမကြီး ရေလျှံမှုကြောင့် ကျေးရွာ ၅ ရွာ ရေဝင်ရောက်သဖြင့် ရေဘေးလွတ်ရာသို့ ကူညီရွှေ့ပြောင်းပေးလျက်ရှိ

မန္တလေးတိုင်းဒေသကြီး၊ ပြင်ဦးလွင်ခရိုင်၊ မတ္တရာမြို့နယ်တွင် ယနေ့ ဩဂုတ်လ ၈ ရက် နံနက် ၆ နာရီခွဲခန့်က တံငါချောင်းမကြီး ရေလျှံမှုဖြစ်ပွားကာ တံငါတောင်၊ ရေချောင်းဗိုလ်၊ ပုဂံစု၊ ရခိုင်စုနှင့် အညာကိုင်းကျေးရွာတို့တွင် ရေဝင်ရောက်ခဲ့ကြောင်း သိရသည်။ အဆိုပါ ရေဝင်ရောက်နေသည့် အိမ်ထောင်စုများအား မတ္တရာမြို့နယ်မီးသတ်စခန်းမှ တပ်ဖွဲ့ဝင်များ၊ မတ္တရာ Rescue၊ ကြက်ခြေနီနှင့် ပရဟိတအသင်းသားများ ပူးပေါင်း၍ ရေဘေးလွတ်ရာဖြစ်သော အထက်တောင်ကိုင်းကျေးရွာအုပ်စု၊ ဉမင်ကျေးရွာရှိ စာသင်ကျောင်း၊ တိုက်နယ်ဆေးရုံနှင့် ရုံပင်ကျေးရွာဘုန်းကြီးကျောင်းများသို့ ကူညီရွှေ့ပြောင်းပေးလျက်ရှိကြောင်း သိရသည်။