ASEAN Hyundai Cup ပြိုင်ပွဲ အုပ်စု A ပွဲစဉ်များ ယမန်နေ့က ပြီးဆုံးခဲ့ပြီး ဗီယက်နမ်နဲ့ စင်ကာပူအသင်းတို့ ဆီမီးဖိုင်နယ် တက်ရောက်နိုင်ခဲ့ကြပါတယ်။ဗီယက်နမ်အသင်းက လေးပွဲကစား ၁၀ မှတ်၊ စင်ကာပူအသင်းက လေးပွဲကစား ရှစ်မှတ်နဲ့ ဆီမီးဖိုင်နယ်ကစားခွင့် ရရှိခဲ့တာဖြစ်တယ်။အုပ်စုဒုတိယနေရာအတွက် အဆုံးအဖြတ်ပွဲဖြစ်တဲ့ စင်ကာပူနဲ့ အင်ဒိုနီးရှားပွဲမှာ စင်ကာပူက လိုအပ်တဲ့ သရေရလဒ်ကို အရယူနိုင်ခဲ့တာဖြစ်ကာဗီယက်နမ်အသင်းက ပြိုင်ပွဲ ၁၆ ကြိမ်မှာ ၁၄ ကြိမ်မြောက် ဆီမီးဖိုင်နယ် တက်ရောက်နိုင်ခဲ့ပါတယ်။စင်ကာပူကတော့ ရှစ်ကြိမ်မြောက် ဆီမီးဖိုင်နယ်ကစားခွင့် ရရှိခဲ့ပြီးဒီနှစ်သင်းဟာ ပြိုင်ပွဲရဲ့ဒုတိယ၊ တတိယအအောင်မြင်ဆုံးအသင်းတွေဖြစ်ပြီး စင်ကာပူက လေးကြိမ်နဲ့ ဗီယက်နမ်က သုံးကြိမ်ဖြစ်ခဲ့ပါတယ်။
လက်ရှိချန်ပီယံ ဗီယက်နမ်အသင်းဟာ ပြိုင်ပွဲနောက်ဆုံးလေးကြိမ်မှာ သုံးကြိမ် ဗိုလ်လုပွဲ
တက်ခဲ့ပြီး နှစ်ကြိမ် ဗိုလ်စွဲခဲ့ပါတယ်။
