သံလွင်မြစ်၊ စစ်တောင်းမြစ်နဲ့ ဒုဋ္ဌဝတီမြစ်ရေတွေ တက်လာနိုင်ဖို့ရှိတာကြောင့် ဘားအံမြို့၊ မဒေါက်မြို့နဲ့ မြစ်ငယ်မြို့အနီးက မြစ် ကမ်းဘေးနဲ့ မြေနိမ့်ပိုင်းမှာနေထိုင်သူတွေအနေနဲ့ ရေဘေးလွတ်ရာကို ရွေ့ပြောင်းနေထိုင်ဖို့လိုအပ်ကြောင်း မိုးလေဝသနှင့်ဇလ ဗေဒညွှန်ကြားမှုဦးစီးဌာန က ဒီကနေ့မနက် ၈ နာရီမှာ ထုတ်ပြန်ပါတယ်။ဒီကနေ့ မြန်မာစံတော်ချိန် ၀၆:၃၀ နာရီအချိန် တိုင်းထွာချက်အရ သံလွင်မြစ်ရေဟာ ဘားအံမြို့မှာ မြို့ရဲ့ စိုးရိမ်ရေမှတ်အထက် ပေဝက်ခန့် ရောက်ရှိနေပြီး နောက် ၁ ရက်အတွင်း ပေဝက်ခန့်မြင့်တက်လာနိုင်ကာ မြို့ရဲ့ စိုးရိမ်ရေမှတ်အထက် ဆက် လက်တည်ရှိနိုင်တယ်လို့ ထုတ်ပြန်ထားပါတယ်။ဒီကနေ့ တိုင်းထွာချက်အရ စစ်တောင်းမြစ်ရေဟာ မဒေါက်မြို့မှာ မြို့ရဲ့ စိုးရိမ်ရေမှတ်အထက် ၁ ပေခန့်မှာ ရောက်ရှိနေပြီး နောက် ၁ ရက်အတွင်း ၂ လက်မခန့် ကျဆင်းလာနိုင်ကာ မြို့ရဲ့ စိုးရိမ်ရေမှတ်အ ထက် ဆက်လက်တည်ရှိနိုင်တယ်လို့ ထုတ်ပြန်ထားပါတယ်။ဒုဋ္ဌဝတီမြစ်ရေဟာ မြစ်ငယ်မြို့မှာ မြို့ရဲ့ စိုးရိမ်ရေမှတ်အထက် ပေဝက်ခန့်တွင် ရောက်ရှိနေပြီး နောက် ၁ ရက်အတွင်း ၃ ပေခန့် မြင့်တက်လာနိုင်ကာ မြို့ရဲ့ စိုးရိမ်ရေမှတ်အထက် ဆက် လက်တည်ရှိနိုင်တယ်လို့ ထုတ်ပြန်ပါတယ်။ ဘားအံမြို့နယ်၊ မဒေါက်မြို့နဲ့ မြစ်ငယ်မြို့တွေကမြစ်ကမ်းအနီးနဲ့ မြေနိမ့်ပိုင်းနေထိုင်သူများအနေဖြင့် ရေဘေးလွတ်ရာနေရာများသို့ ရှောင်ရှားနိုင်ဖို့ သတိပေးနှိုးဆော်ထားပါတယ်။
