ထိုင်းဘုရင့်ဖလား ပိုက်ကျော်ခြင်းပြိုင်ပွဲတွင် မြန်မာအမျိုးသား (၄) ယောက်တွဲနှင့် အမျိုးသမီး (၂) ယောက်တွဲအသင်းများ ဗိုလ်လုပွဲ တက်ရောက်

ထိုင်းနိုင်ငံတွင် ကျင်းပနေသည့် ထိုင်းဘုရင့်ဖလား ပိုက်ကျော်ခြင်းပြိုင်ပွဲ၌ မြန်မာအမျိုးသား လေးယောက်တွဲအသင်းသည် ဆီမီးဖိုင်နယ်တွင် ဂျပန်အသင်းကို ၂ ပွဲ ၁ ပွဲဖြင့် အနိုင်ရကာ ဗိုလ်လုပွဲသို့ တက်ရောက်ခဲ့ပြီး ယနေ့ညနေ မြန်မာစံတော်ချိန် ၄:၃၀ နာရီတွင် အိမ်ရှင်ထိုင်းအသင်းနှင့် ရင်ဆိုင်ရမည်ဖြစ်သည်။ အလားတူ မြန်မာအမျိုးသမီး နှစ်ယောက်တွဲအသင်းသည်လည်း ဆီမီးဖိုင်နယ်တွင် အိမ်ရှင်ထိုင်းအသင်းကို ၂ ပွဲ ၁ ပွဲဖြင့် အနိုင်ယူကာ ဗိုလ်လုပွဲသို့ တက်ရောက်နိုင်ခဲ့ပြီး ယနေ့မွန်းလွဲ မြန်မာစံတော်ချိန် ၂:၃၀ နာရီတွင် ဗီယက်နမ်အသင်းနှင့် ရွှေတံဆိပ်လုပွဲ ယှဉ်ပြိုင်ကစားရမည်ဖြစ်ကြောင်း သိရသည်။