မန္တလေးတိုင်းဒေသကြီး၊မိုးကုတ်မြို့၌ မိုးသည်းထန်၍ နေရာ ၈ ခုတွင် ရေဝင်ရောက်သဖြင့် ပြည်သူများကို ဘေးလွတ်ရာသို့ ရွှေ့ပြောင်းပေးနေရ

မန္တလေးတိုင်းဒေသကြီး၊ မိုးကုတ်မြို့တွင် မိုးသည်းထန်စွာ ရွာသွန်းမှုကြောင့် မင်းတံတားရပ်ကွက် (နယ်မြေ ၁၊ ၂၊ ၇၊ ၈)၊ မြို့မရပ်ကွက်၊ စည်ပင်သာယာရပ်ကွက်နှင့် ဈေးဟောင်းရပ်ကွက် စသည့် နေရာ ၈ ခုရှိ နေအိမ်များအတွင်းသို့ ရေဝင်ရောက်မှုများ ဖြစ်ပေါ်ခဲ့ရာ မိုးကုတ်မြို့နယ်မီးသတ်စခန်းမှ တပ်ဖွဲ့ဝင်များနှင့် သက်ဆိုင်ရာအဖွဲ့အစည်းများ ပူးပေါင်း၍ ယမန်နေ့ည ၆ နာရီ ၄၅ မိနစ်ခန့်မှစတင်ကာ ရေဘေးသင့်ပြည်သူများကို ရေဘေးလွတ်ကင်းရာ နီးစပ်ရာဆွေမျိုးများအိမ်သို့ အရေးပေါ် ရွှေ့ပြောင်းကူညီပေးခဲ့ရကြောင်း သိရသည်။