စစ်ကိုင်းတိုင်း၊ ကောလင်းမြို့နယ်၌ မိုးများပြီး ချောင်းရေတက်သဖြင့် ကျေးရွာ ၁၀၀ ကျော် ရေကြီးရေလျှံမှု ဖြစ်ပွား

စစ်ကိုင်းတိုင်းဒေသကြီး၊ ကောလင်းမြို့နယ်အတွင်း ဩဂုတ် ၅ ရက်နေ့မှစ၍ ယနေ့အထိ မိုးသည်းထန်စွာ ရွာသွန်းမှုကြောင့် ဒေါင်းမြူချောင်းနှင့် လာကာချောင်းတို့တွင် ရေမြင့်တက်လာကာ အရှေ့ခြမ်းနှင့် အနောက်ခြမ်းရှိ ကျေးရွာ ၁၀၀ ကျော်၌ ရေကြီးရေလျှံမှုများ ဖြစ်ပွားခဲ့သည်။ အဆိုပါ ရေကြီးမှုကြောင့် ဒေသခံများသည် ရွာအတွင်းရှိ ရေလွတ်ရာ အမြင့်ပိုင်းနေရာများသို့ ပြောင်းရွှေ့နေထိုင်နေကြရသည်။ မိုးအဆက်မပြတ် ဆက်လက်ရွာသွန်းပါက သွားလာရေး ပြတ်တောက်နိုင်ပြီး စားသောက်နေထိုင်ရေး အခက်အခဲများ ကြုံတွေ့ရနိုင်ကြောင်း ဒေသခံများထံမှ သိရသည်။