ရှမ်းပြည်နယ်အရှေ့ပိုင်း၊ တာချီလိတ်မြို့နယ်၌ တရားမဝင် ဝင်ရောက်လာသည့် တရုတ်နိုင်ငံသား ၄၁ ဦး ဖမ်းဆီးရမိ

ရှမ်းပြည်နယ်အရှေ့ပိုင်း၊ တာချီလိတ်မြို့နယ်၊ မိုင်းဖုန်း(ခ)အုပ်စု၊ ဝှေလေလန် ပူးပေါင်း စစ်ဆေးရေးဂိတ်အနီး ရှောင်ကွင်းလမ်းတွင် ဩဂုတ် ၅ ရက် နံနက်ပိုင်းက ရှောင်တခင် စစ်ဆေးရာမှ တရားမဝင် ဝင်ရောက်လာသည့် တရုတ်နိုင်ငံသား ၂ ဦးအား စတင်ဖမ်းဆီးရမိခဲ့ပြီး၊ ထိုမှတစ်ဆင့် ကွင်းဆက်အဖြစ် ဝမ်ပုံကျေးရွာအတွင်းမှ နောက်ထပ် ၃၉ ဦး၊ စုစုပေါင်း တရုတ်နိုင်ငံသား ၄၁ ဦးကို ဖမ်းဆီးရမိခဲ့ကြောင်း သိရသည်။ အဆိုပါ တရုတ်နိုင်ငံသားများ ဖမ်းဆီးရမိမှုမှာ ကျားဖြန့်လုပ်ငန်းများနှင့် ဆက်စပ်မှုရှိနေပြီး လက်ရှိတွင် ၎င်းတို့အား ထိန်းသိမ်းထားကာ ၁၉၄၇ ခုနှစ် မြန်မာနိုင်ငံ လူဝင်မှုကြီးကြပ်ရေး အက်ဥပဒေဖြင့် အရေးယူဆောင်ရွက်သွားမည်ဖြစ်သည်။