ရေဘေးကယ်ဆယ်ရေးအတွက် ထိုင်းနိုင်ငံမှ မှာယူထားသည့် ကယ်ဆယ်ရေးလှေ ၆ စီးနှင့် စက်များ ရောက်ရှိ

မြန်မာနိုင်ငံလူမှုကယ်ဆယ်ရေးအဖွဲ့ချုပ် (ဗဟို) က ရေဘေးအန္တရာယ်များ ကြုံတွေ့လာပါက အချိန်နှင့်တစ်ပြေးညီ ကယ်ဆယ်နိုင်ရန် ထိုင်းနိုင်ငံမှ မှာယူထားသည့် ကယ်ဆယ်ရေးလှေ ၆ စီးနှင့် အင်ဂျင်စက်များ ရောက်ရှိလာပြီဖြစ်ကြောင်း ထုတ်ပြန်သည်။ လက်ရှိတွင် အဆိုပါ လှေများနှင့် စက်များကို တပ်ဆင်ကာ အသုံးပြုနိုင်ရန် အဆင်သင့် ပြင်ဆင်လျက်ရှိပြီး၊ ရေဘေးသင့်ဒေသများ၌ အရေးပေါ် တုံ့ပြန်ကယ်ဆယ်ရေးလုပ်ငန်းများကို လျင်မြန်ထိရောက်စွာ ဆောင်ရွက်သွားမည်ဖြစ်ကြောင်း သိရသည်။