မန္တလေး–ပြင်ဦးလွင် ၇၀ ကီလိုမီတာ MTB လူသစ်တန်း စက်ဘီးပြိုင်ပွဲ လမ်းကြောင်းများ ထုတ်ပြန်

မန္တလေးမြို့ရှိ ရတနာပုံ တိရစ္ဆာန်ဥယျာဉ် ပင်မဂိတ် (၁၂ လမ်း) မှ ပြင်ဦးလွင်မြို့ အမျိုးသားကန်တော်ကြီးဥယျာဉ်အထိ ကျင်းပမည့် ၇၀ ကီလိုမီတာ Mountain Bike (MTB) လူသစ်တန်း စက်ဘီးစီးပြိုင်ပွဲအတွက် လမ်းကြောင်းများ ထုတ်ပြန်လိုက်သည်။ ပြိုင်ပွဲဝင်များသည် မန္တလေးမြို့တွင်းလမ်းများနှင့် မန္တလေး–ပြင်ဦးလွင် တောင်တက်လမ်းအတိုင်း စီးနင်းရမည်ဖြစ်ပြီး အမျိုးသားကန်တော်ကြီးဥယျာဉ်အတွင်းရှိ တောတွင်းစက်ဘီးစီးလမ်း (Bike Trail) ကို ဖြတ်သန်းကာ Main Stage တွင် ပန်းဝင်ရမည်ဖြစ်သည်။ အဆိုပါပြိုင်ပွဲသည် မြို့ပြလမ်းမ၊ တောင်တက်လမ်းနှင့် သဘာဝတောတွင်းလမ်းများကို ဖြတ်သန်းရမည့် စိန်ခေါ်မှုရှိသော လမ်းကြောင်းဖြစ်ကြောင်း သိရသည်။