ဧရာဝတီတိုင်း၊ကျုံပျော်မြို့နယ်၌ ရထားသံလမ်းပေါ် ရေကျော်နေသဖြင့် ရထားခရီးစဉ်များ ယာယီဖျက်သိမ်း

ဧရာဝတီတိုင်း၊ ကျုံပျော်မြို့နယ်ရှိ ဇရပ်လှဘူတာနှင့် ဒိုက်ပျက်ဘူတာကြား ရထားသံလမ်းပေါ်သို့ ရေ ၂ လက်မခန့် ကျော်လွန်နေသဖြင့် ဩဂုတ် ၄ ရက်မှ စတင်ကာ ရထားခရီးစဉ်များကို ယာယီဖျက်သိမ်းလိုက်ကြောင်း သိရသည်။ အဆိုပါ ရေကျော်မှုကြောင့် ဖြတ်သန်းသွားလာမည့် ရထားများ အန္တရာယ် မဖြစ်စေရန်အတွက် ကြိုတင်ကာကွယ်သည့်အနေဖြင့် ရထားပြေးဆွဲမှုကို ယာယီရပ်နားခဲ့ခြင်းဖြစ်ပြီး ပြန်လည် ထွက်ခွာပြေးဆွဲမည့် ရက်စွဲကို ထပ်မံ အသိပေးသွားမည်ဖြစ်ကြောင်း သိရသည်။