အာဆီယံဟွန်ဒိုင်းဖလား (ASEAN Hyundai Cup) ပြိုင်ပွဲ၏ မြန်မာနှင့် လာအိုအသင်းတို့၏ ပထမပိုင်း ပွဲစဉ်အပြီးတွင် မြန်မာအသင်းက လာအိုအသင်းကို ၄ ဂိုး - ၂ ဂိုး ဖြင့် ဦးဆောင်ထားကြောင်း သိရသည်။ မြန်မာအသင်းအတွက် ဦးဆောင်ဂိုးများကို လွင်မိုးအောင်က ပွဲစပြီး ၂ မိနစ်တွင်လည်းကောင်း၊ ဝင်းနိုင်ထွန်းက မိနစ် ၂၀ နှင့် ၄၁ မိနစ်တို့တွင်လည်းကောင်း၊ မောင်မောင်လွင်က ပထမပိုင်း နာကျင်အချိန်ပို ၄၅+၆ မိနစ်တွင် ပင်နယ်တီမှတစ်ဆင့်လည်းကောင်း အသီးသီး သွင်းယူခဲ့ကြပြီး လာအိုအသင်းအတွက် ချန်ဗန်လီယန်က ၁၇ မိနစ်တွင်လည်းကောင်း၊ ဆန်ဗီလေးက ၂၃ မိနစ်တွင်လည်းကောင်း ချေပဂိုးများ ပြန်လည်သွင်းယူခဲ့ခြင်း ဖြစ်သည်။
