ဧရာဝတီတိုင်းဒေသကြီး၊လေးမျက်နှာတွင် ငဝန်တာ တာတမံနိမ့်ကျမှုကြောင့် လူ ၂ သောင်းကျော် ရေဘေးသင့်၊ ထောက်ပံ့ရေးနှင့် တာပိတ်ဆို့ရေး လုပ်ဆောင်နေ

ဧရာဝတီတိုင်းဒေသကြီး၊ လေးမျက်နှာမြို့နယ်၊ ဂျမ်းကုန်းကျေးရွာအနီး ငဝန်ရေကာတာ တာမိုင် (၂၅/၃) ၌ အောက်ခံမြစ်ကျိုးအင်း သဲကြောမှ ထူးပေါက်၍ တာတမံနိမ့်ကျကာ ရေကျော်စီးဝင်ခဲ့သဖြင့် ဩဂုတ် ၄ ရက်အထိ ရပ်ကွက် ၅ ရပ်ကွက်နှင့် ကျေးရွာ ၅၇ ရွာမှ အိမ်ခြေ ၅,၀၄၆ လုံးနှင့် ပြည်သူ ၂၁,၄၆၃ ဦး ရေဘေးသင့်ခဲ့ကြောင်း သိရသည်။ လက်ရှိတွင် ရေဘေးကယ်ဆယ်ရေးစခန်း ၁၃ ခု ဖွင့်လှစ်ထားရှိပြီး အိမ်ထောင်စု ၆၁၀ စုမှ လူဦးရေ ၂,၀၂၃ ဦး လာရောက်ခိုလှုံလျက်ရှိရာ ထောက်ပံ့ရေးနှင့် တာပိတ်ဆို့ရေး လုပ်ငန်းများကို အရှိန်မြှင့် ဆောင်ရွက်လျက်ရှိသည်။