ပြင်သစ်နိုင်ငံ၊ ပါရီမြို့၌ ကျင်းပခဲ့သည့် Mobile Legends: Bang Bang Mid-Season Cup (MSC 2026) ပြိုင်ပွဲတွင် မြန်မာကိုယ်စားပြု Yangon Galacticos (YG) အသင်းသည် ပထမဆုံးအကြိမ် ဗိုလ်လုပွဲသို့ တက်လှမ်းနိုင်ခဲ့ပြီး ဒုတိယဆုကို ဆွတ်ခူးရရှိခဲ့ကာ ရန်ကုန်မြို့သို့ ပြန်လည်ရောက်ရှိစဉ် Esports အသိုင်းအဝိုင်းက နွေးထွေးစွာ ကြိုဆိုခဲ့ကြသည်။အဆိုပါပြိုင်ပွဲတွင် ချန်ပီယံဆုကြေး အမေရိကန်ဒေါ်လာ ၁ သန်းနှင့် ဒုတိယဆုကြေး အမေရိကန်ဒေါ်လာ ၅ သိန်း ချီးမြှင့်ခဲ့ရာ Yangon Galacticos အသင်းအနေဖြင့် ဒေါ်လာ ၅ သိန်း ရရှိခဲ့သည်။ဆုကြေးငွေနှင့် ပတ်သက်၍ ကစားသမားတစ်ဦးလျှင် အမေရိကန်ဒေါ်လာ ၆၅,၀၀၀ ဝန်းကျင်အထိ ရရှိနိုင်ကြောင်း တွက်ချက်ပြောဆိုမှုများရှိနေပြီး ရရှိသည့် ဆုကြေးငွေများအနက် အချို့ပမာဏကို ဗဟိုဘဏ်မှ သတ်မှတ်ထားသည့် ၁ ဒေါ်လာလျှင် ၂,၁၀၀ ကျပ် နှုန်းထားဖြင့် လဲလှယ်ရမည်ဖြစ်ကြောင်း Esports အသိုင်းအဝိုင်းအတွင်း ပြောဆိုဆွေးနွေးလျက်ရှိသည်။
