လျှပ်စစ်ဓာတ်အား ခိုးယူသုံးစွဲမှု နည်းပါးစေရန်နှင့် စွမ်းဆောင်ရည် ကျဆင်းနေသည့် မီတာများ၊ အသုံးပြုသက်တမ်း နှစ် ၂၀ ကျော်လွန်နေသည့် မီတာများကို လဲလှယ်ပေးခြင်းနှင့် မီတာအသစ် လျှောက်ထားသူများကို လျင်မြန်စွာ တပ်ဆင်ပေးခြင်းတို့ကို အရှိန်အဟုန်ဖြင့် ဆောင်ရွက်လျက်ရှိကြောင်း လျှပ်စစ်နှင့် စွမ်းအင်ဝန်ကြီးဌာနမှ သိရသည်။ ထို့ပြင် နေပြည်တော်ကောင်စီနယ်မြေ၊ ဒက္ခိဏသီရိမြို့နယ်ရှိ Digital Smart Meter စမ်းသပ်စစ်ဆေးရေးဌာနခွဲ၊ AMI Control Center နှင့် National Control Center တို့တွင်လည်း သက်ဆိုင်ရာ လုပ်ငန်းများကို တက်ကြွစွာ ဆောင်ရွက်လျက်ရှိကြောင်း သိရသည်။
