"Digital First, Digital Trust to AI Smart" ခေါင်းစဉ်ဖြင့် MICT Park ၌ AI နည်းပညာဆိုင်ရာ Panel Discussion ကျင်းပ

ဒီဂျစ်တယ်ဖွံ့ဖြိုးတိုးတက်ရေးနှင့် ဆက်သွယ်ရေးဝန်ကြီးဌာန ဦးစီးကျင်းပသည့် "Digital First, Digital Trust to AI Smart" ခေါင်းစဉ်ဖြင့် AI နည်းပညာဆိုင်ရာ Panel Discussion ကို ဇူလိုင် ၃၁ ရက် နံနက်ပိုင်းက ရန်ကုန်မြို့ရှိ MICT Park ၌ ကျင်းပခဲ့သည်။ အဆိုပါ ဆွေးနွေးပွဲတွင် ဒုတိယဝန်ကြီး ဦးမင်းဇေယျာလှိုင်က Video Message မှတစ်ဆင့် အဖွင့်အမှာစကား ပြောကြားခဲ့ပြီး ယနေ့ခေတ်တွင် Generative AI၊ Agentic AI၊ Cloud Infrastructure၊ Data Center နှင့် Semiconductor နည်းပညာများ လျင်မြန်စွာ ဖွံ့ဖြိုးတိုးတက်လာမှုကြောင့် ဒစ်ဂျစ်တယ်စနစ် ပြောင်းလဲမှုများ ပိုမိုမြန်ဆန်လာကြောင်း ထည့်သွင်းပြောကြားခဲ့သည်။