ဧရာဝတီတိုင်းတွင် စားသုံးဆီ ပြည်ပသို့ တင်ပို့နိုင်သည်အထိ ကြိုးပမ်းရန် ဝန်ကြီးချုပ် တိုက်တွန်း

ဧရာဝတီတိုင်းဒေသကြီးအတွင်း စားသုံးဆီ ဖူလုံရုံသာမက ပြည်ပသို့ တင်ပို့ရောင်းချနိုင်သည်အထိ ကြိုးပမ်းဆောင်ရွက်ကြရန် ဇူလိုင် ၂၆ ရက်က ပုသိမ်မြို့၊ မြို့တော်ခန်းမ၌ ကျင်းပသည့် “ဧရာဝတီစားဆီဖူလုံဖို့ ဝိုင်းဝန်း ကြိုးပမ်းကြပါစို့” စားဆီကဏ္ဍဖွံ့ဖြိုးတိုးတက်ရေး အလုပ်ရုံဆွေးနွေးပွဲတွင် တိုင်းဒေသကြီးဝန်ကြီးချုပ် ဦးအေးကျော်က တိုက်တွန်းပြောကြားခဲ့သည်။ အဆိုပါ ဆွေးနွေးပွဲကို တိုင်းဒေသကြီးအတွင်း ဆီထွက်သီးနှံများ တိုးချဲ့စိုက်ပျိုးရေးနှင့် စားဆီကဏ္ဍ တန်ဖိုးကွင်းဆက်တစ်လျှောက် မြှင့်တင်ရန် နည်းလမ်းများ ဖော်ထုတ်နိုင်ရေး ရည်ရွယ်ကျင်းပခြင်း ဖြစ်ကြောင်း သိရသည်။