၂၀၂၆ အာဆီယံဟွန်ဒိုင်းဖလား ပြိုင်ပွဲ၏ အုပ်စုပထမနေ့ ပွဲစဉ်များအပြီးတွင် လက်ရှိချန်ပီယံ ဗီယက်နမ်၊ ထိုင်း၊ စင်ကာပူနှင့် မလေးရှားအသင်းတို့ နိုင်ပွဲကိုယ်စီ ရရှိခဲ့ကြကြောင်း သိရသည်။ဇူလိုင် ၂၄ ရက် အုပ်စု (A) ပွဲစဉ်တွင် ဗီယက်နမ်က တီမောကို (၇-၀) ဂိုး၊ စင်ကာပူက ကမ္ဘောဒီးယားကို (၂-၁) ဂိုးတို့ဖြင့် အနိုင်ရရှိခဲ့ပြီး ဇူလိုင် ၂၅ ရက် အုပ်စု (B) ပွဲစဉ်တွင် မလေးရှားက မြန်မာကို (၂-၁) ဂိုး၊ ထိုင်းက လာအိုကို (၅-၀) ဂိုးတို့ဖြင့် အနိုင်ရရှိခဲ့သည်။ယခုနှစ် အာဆီယံဘောလုံးအဖွဲ့ချုပ် (AFF) ၏ (၁၆) ကြိမ်မြောက် ပြိုင်ပွဲကို တောင်ကိုရီးယား ဟွန်ဒိုင်းမော်တာ ကုမ္ပဏီက အဓိက စပွန်ဆာပေးထားပြီး ဇူလိုင် ၂၄ ရက်မှ သြဂုတ် ၂၆ ရက်အထိ အရှေ့တောင်အာရှ ဒေသတွင်း နိုင်ငံ ၉ နိုင်ငံ၏ မြို့ ၁၀ မြို့ရှိ ကွင်း ၁၀ ကွင်း၌ အိမ်ကွင်း၊ အဝေးကွင်း စနစ်ဖြင့် ကျင်းပသွားမည် ဖြစ်သည်။
