အိန္ဒိယနိုင်ငံ၊ နယူးဒေလီမြို့တွင် ဆေးတက္ကသိုလ်ဝင်ခွင့် မေးခွန်းပေါက်ကြားမှု အပါအဝင် ကျောင်းသားနှင့် လူငယ်များ၏ အစိုးရဆန့်ကျင်ရေး ဆန္ဒပြပွဲများ အရှိန်မြင့်တက်လျက်ရှိရာ နယူးဒေလီရောက် ချင်းဒုက္ခသည်များနှင့် ခိုလှုံခွင့်လျှောက်ထားသူများအနေဖြင့် အဆိုပါ ဆန္ဒပြပွဲများ၊ လူစုလူဝေးများနှင့် အများပြည်သူဆိုင်ရာ လှုပ်ရှားမှုများတွင် ပါဝင်ခြင်း မပြုကြရန် ချင်းဒုက္ခသည်ကော်မတီ (CRC - နယူးဒေလီ) က အသိပေး နှိုးဆော်ထားသည်။ ဒုက္ခသည်များအနေဖြင့် လက်ခံထားသည့် အိန္ဒိယနိုင်ငံ၏ တည်ဆဲဥပဒေများကို လေးစားလိုက်နာရန်၊ မငြိမ်မသက်ဖြစ်ရာ နေရာများသို့ သွားရောက်ခြင်းနှင့် လူမှုကွန်ရက်ပေါ်တွင် လှုံ့ဆော်မှုများ ပြုလုပ်ခြင်းမှ ရှောင်ကြဉ်ကြရန်နှင့် ဥပဒေနှင့်အညီ ငြိမ်းချမ်းစွာနေထိုင်၍ မိသားစုနှင့် အသိုင်းအဝိုင်း၏ လုံခြုံရေးကို ထိန်းသိမ်းကြရန် မေတ္တာရပ်ခံထားကြောင်း သိရသည်။
