အာဆီယံ-ရုရှားဆက်ဆံရေး (၃၅) နှစ်ပြည့် အထိမ်းအမှတ်ပွဲသို့ မြန်မာသံအမတ်ကြီး ဦးကျော်စိုးမင်း တက်ရောက်

ကမ္ဘောဒီးယားနိုင်ငံဆိုင်ရာ မြန်မာသံအမတ်ကြီး ဦးကျော်စိုးမင်းသည် ဇူလိုင် ၉ ရက်က ဖနောင်ပင်မြို့ရှိ ကမ္ဘောဒီးယားနိုင်ငံဆိုင်ရာ ရုရှားဖက်ဒရေးရှင်းသံအမတ်ကြီး Mr. Anatoly Borovik ၏ နေအိမ်၌ ကျင်းပပြုလုပ်ခဲ့သည့် အာဆီယံ-ရုရှားဆက်ဆံရေး (၃၅) နှစ်ပြည့် အထိမ်းအမှတ် ဧည့်ခံပွဲသို့ တက်ရောက်ခဲ့ကြောင်း သိရသည်။ အဆိုပါ ဧည့်ခံပွဲသို့ မြန်မာသံအမတ်ကြီးနှင့်အတူ ကမ္ဘောဒီးယားနိုင်ငံဆိုင်ရာ အာဆီယံအဆင့်မြင့်အရာရှိကြီးဖြစ်သူ ဒုတိယဝန်ကြီး Mr. Kung Phoak၊ အာဆီယံအဖွဲ့ဝင်နိုင်ငံများမှ သံအမတ်ကြီးများနှင့် ဖိတ်ကြားထားသည့် ဧည့်သည်တော်များလည်း အတူတကွ တက်ရောက်ခဲ့ကြကြောင်း သိရသည်။