မြန်မာ FIFAe Football (Mobile) အသင်း ကမ္ဘာ့ဖလားဝင်ခွင့်ရရှိရန် နီးစပ်လာပြီး အာရှအဆင့် Top 6 စာရင်းဝင်ခဲ့

FIFAe Football (Mobile) ပြိုင်ပွဲတွင် ဝင်ရောက်ယှဉ်ပြိုင်နေသည့် မြန်မာအသင်းသည် ရှုံးထွက်အဆင့်ပွဲစဉ်များအပြီး ဗိုလ်လုပွဲသို့ တက်ရောက်နိုင်ခြင်း မရှိခဲ့သော်လည်း Consistency Ranking အရ အိမ်ရှင် မလေးရှား၊ အင်ဒိုနီးရှား၊ ထိုင်း၊ ဂျပန်၊ အိန္ဒိယတို့နှင့်အတူ အာရှဒေသ၏ နောက်ဆုံးအဆင့် Top 6 အသင်းများစာရင်းတွင် ပါဝင်နိုင်ခဲ့ကြောင်း သိရသည်။ ယင်းရလဒ်ကြောင့် မြန်မာအသင်းသည် FIFAe World Cup (Mobile) ကမ္ဘာ့ဖလားပြိုင်ပွဲကြီးတွင် ဝင်ရောက်ယှဉ်ပြိုင်ခွင့်ရရှိရန် အခွင့်အရေးကို ဆုပ်ကိုင်ထားနိုင်ခဲ့ပြီး မြန်မာ eFootball သမိုင်းတွင် မှတ်တိုင်သစ်တစ်ခု စိုက်ထူနိုင်ရန် နီးစပ်လာပြီဖြစ်သည်။ မြန်မာအသင်း၏ ယခုစွမ်းဆောင်ရည်သည် အာရှဒေသအတွင်း ယှဉ်ပြိုင်နိုင်စွမ်းရှိကြောင်း သက်သေပြခဲ့ပြီး နိုင်ငံတကာစင်မြင့်ပေါ်တွင် မြန်မာ eSports အတွက် မျှော်လင့်ချက်သစ်များ ဖန်တီးပေးနိုင်ခဲ့ကြောင်း အားကစားအသိုင်းအဝိုင်းက သုံးသပ်လျက်ရှိသည်။