စီးပွားရေးပြန်လည်ဦးမော့လာမှုကြောင့် သီရိလင်္ကာကို အထက်တန်းအလယ်အလတ်ဝင်ငွေနိုင်ငံအဖြစ် ကမ္ဘာ့ဘဏ် ပြန်လည်သတ်မှတ်

၂၀၂၂ ခုနှစ် စီးပွားရေးအကျပ်အတည်းကြောင့် အဆင့်လျှော့ချခံခဲ့ရသည့် သီရိလင်္ကာနိုင်ငံကို စက်မှု၊ ကုန်ထုတ်လုပ်မှု၊ ဘဏ္ဍာရေးဝန်ဆောင်မှုနှင့် ခရီးသွားလုပ်ငန်းများ ပြန်လည်အားကောင်းလာမှုကြောင့် အထက်တန်းအလယ်အလတ်ဝင်ငွေရှိသော စီးပွားရေးနိုင်ငံ (Upper-Middle Income Economy) အဖြစ် ကမ္ဘာ့ဘဏ်က ဇူလိုင်လ ၁ ရက်နေ့တွင် ပြန်လည်အဆင့်သတ်မှတ်လိုက်ကြောင်း သိရသည်။ ကမ္ဘာ့ဘဏ်၏ ထုတ်ပြန်ချက်အရ သီရိလင်္ကာနိုင်ငံသည် လေးနှစ်အကြာတွင် ယခင်အဆင့်သို့ ပြန်လည်ရောက်ရှိလာခြင်းဖြစ်ပြီး၊ ၂၀၂၅ ခုနှစ်အတွင်း ၎င်းတို့၏ အမှန်တကယ် ဂျီဒီပီ (Real GDP) သည်လည်း ၅ ရာခိုင်နှုန်း တိုးတက်ခဲ့ကြောင်း သိရသည်။