အင်ဒိုနီးရှားတွင် ဖမ်းဆီးထိန်းသိမ်းခံထားရသည့် မြန်မာနိုင်ငံသားများအရေး မြန်မာသံအမတ်နှင့် အင်ဒိုနီးရှားရဲမှူးချုပ်တို့ ဆွေးနွေး

အင်ဒိုနီးရှားနိုင်ငံ၌ ဖမ်းဆီးထိန်းသိမ်းခံထားရသည့် မြန်မာနိုင်ငံသားများ နေရပ်ပြန်လည်စေလွှတ်ရေးနှင့် ပတ်သက်၍ အင်ဒိုနီးရှားနိုင်ငံဆိုင်ရာ မြန်မာသံအမတ်/သံရုံးယာယီတာဝန်ခံ ဦးမန်ဟောက်ထန်နှင့် အင်ဒိုနီးရှားရဲတပ်ဖွဲ့၊ နယ်စပ်ဖြတ်ကျော်မှုခင်းဌာနကြီး (Head of International Relations) မှ ရဲမှူးချုပ် Mr. Amur Chandra Juli Buana တို့သည် ဇွန်လ ၂၉ ရက်က တွေ့ဆုံဆွေးနွေးခဲ့ကြကြောင်း သိရသည်။ ထိုသို့ဆွေးနွေးရာတွင် မြန်မာနိုင်ငံသားများ၏ အကျိုးစီးပွား ကာကွယ်စောင့်ရှောက်ရန်အတွက် နှစ်နိုင်ငံအကြား ရှိရင်းစွဲဆက်ဆံရေးအပေါ် အခြေခံကာ အပြန်အလှန် ညှိနှိုင်းဆောင်ရွက်ထားရှိမှုများနှင့်အညီ အမြန်ဆုံး အကောင်အထည်ဖော် ဆောင်ရွက်သွားမည့် ကိစ္စရပ်များကို အလေးထားဆွေးနွေးခဲ့ကြကြောင်း သိရသည်။