၂၀၂၆ ကမ္ဘာ့ဖလားပြိုင်ပွဲတွင် အာဆင်နယ်ကစားသမား ၁၅ ဦးစလုံး နောက်တစ်ဆင့် (၃၂ သင်းအဆင့်) သို့ တက်ရောက်နိုင်ခဲ့

၂၀၂၆ ကမ္ဘာ့ဖလားပြိုင်ပွဲတွင် အာဆင်နယ်အသင်းမှ ကစားသမား ၁၅ ဦးအထိ သက်ဆိုင်ရာ လက်ရွေးစင်အသင်းများတွင် ရွေးချယ်ခံခဲ့ရပြီး၊ ၎င်းတို့ပါဝင်သည့် နိုင်ငံအသင်းအားလုံး စုစုပေါင်း ၃၂ သင်းအဆင့် (ရှုံးထွက်အဆင့်) သို့ တက်ရောက်နိုင်ခဲ့ကြသည်။ ယခုနှစ်ကမ္ဘာ့ဖလားတွင် အာဆင်နယ်အသင်းသည် မန်စီးတီး၊ ဘိုင်ယန်မြူးနစ်၊ PSG တို့၏နောက်တွင် ဘာစီလိုနာအသင်းနှင့်အတူ ကစားသမားစတုတ္ထအများဆုံး စေလွှတ်ခဲ့ရသည့် ကလပ်အသင်းအဖြစ် ရပ်တည်ခဲ့သည်။အာဆင်နယ်ကစားသမား အများဆုံးပါဝင်သည့် နိုင်ငံမှာ အင်္ဂလန်အသင်းဖြစ်ပြီး ဆာကာ၊ ဒက်ကလန်ရိုက်စ်၊ အက်ဇေးနှင့် မာဒူအေကေတို့ ၄ ဦးအထိ ပါဝင်နေသည်။ ထို့ပြင် စပိန်အသင်းတွင် မယ်ရီနို၊ ရာယာနှင့် ဇူဘီမန်ဒီတို့ ၃ ဦး၊ ဘရာဇီးလ်အသင်းတွင် ဂါဘရီယဲလ်နှင့် မာတင်နယ်လီတို့ ၂ ဦး ပါဝင်နေကြသည်။ ကျန်ရှိသည့် ကစားသမားများမှာ ဂျာမနီအသင်းတွင် ဟာဗက်ဇ်၊ နော်ဝေအသင်းတွင် အော်ဒီဂွါ၊ ပြင်သစ်အသင်းတွင် ဆာလီဘာ၊ ဆွီဒင်အသင်းတွင် ယော်ကယ်ရက်စ်၊ အီကွေဒေါအသင်းတွင် ဟင်ကာပီနှင့် ဘယ်လ်ဂျီယံအသင်းတွင် ထရော့ဆက်ဒ်တို့ ဖြစ်ကြသည်။ ယခုအခါ အာဆင်နယ်ကစားသမား ၁၅ ဦးစလုံး ရှုံးထွက်အဆင့်သို့ အသီးသီးတက်လှမ်းနိုင်ခဲ့ကြပြီး၊ ၃၂ သင်းအဆင့်တွင် ပြင်သစ်မှ ဆာလီဘာနှင့် ဆွီဒင်မှ ယော်ကယ်ရက်စ်တို့မှာ ထိပ်တိုက်ဆုံတွေ့နေကြကြောင်း သိရသည်။