တစ်နိုင်ငံလုံး ပထမရရှိသည့် သမီးဖြစ်သူ မသီရိစိုးအား မိဘနှစ်ပါးက ဂုဏ်ပြုအနမ်းပေး

၂၀၂၆ ခုနှစ် တက္ကသိုလ်ဝင်စာမေးပွဲတွင် မြန်မာတစ်နိုင်ငံလုံး အမှတ်အများဆုံး (The Whole Burma First) ဆုကို စုစုပေါင်းရမှတ် ၅၆၂ မှတ်ဖြင့် ဆွတ်ခူးရရှိခဲ့သည့် မန္တလေးတိုင်းဒေသကြီး၊ ချမ်းအေးသာစံမြို့နယ်မှ မသီရိစိုးအား မိဘနှစ်ပါးဖြစ်သူ ဦးတင်အောင်ဝင်းနှင့် ဒေါ်ဦးခင်ကျော့တို့က အားရပါးရ ဖက်လှဲတကင်း ဂုဏ်ပြုအနမ်းပေးနေသည့် ကြည်နူးစရာ ပုံရိပ်များ ထွက်ပေါ်လာခဲ့သည်။သမီးဖြစ်သူ၏ ထူးချွန်ပြောင်မြောက်လှသည့် အောင်မြင်မှုအတွက် မိဘနှစ်ပါး၏ အတိုင်းထက်အလွန် ဝမ်းသာပီတိဖြစ်နေသည့် ယင်းမြင်ကွင်းသည် လူမှုကွန်ရက်စာမျက်နှာပေါ်တွင် ပြန့်နှံ့ခဲ့ပြီးနောက် ပြည်သူများနှင့် ပရိသတ်များက ထပ်တူထပ်မျှ ဝမ်းမြောက်ဂုဏ်ယူကြောင်း ဝိုင်းဝန်းဆုတောင်း စကားများ ဆိုခဲ့ကြသည်။