ဂယ်ရီအိုနေးလ်ကို နည်းပြသစ်အဖြစ် (၃) နှစ်စာချုပ်ဖြင့် အစ်ဝစ်ချ်အသင်း ခန့်အပ်

ပရီးမီးယားလိဂ်တန်းတက်ကလပ် အစ်ဝစ်ချ်အသင်းသည် အသင်းကို တန်းတက်အောင် စွမ်းဆောင်ပေးပြီးနောက် မိသားစုအကြောင်းပြချက်ဖြင့် လမ်းခွဲသွားခဲ့သည့် နည်းပြ မက်ကန်နာ၏နေရာတွင် စထရာဘိုးနည်းပြ ဂယ်ရီအိုနေးလ် (၄၃ နှစ်) ကို အသင်း၏ ၂၀ ဦးမြောက် နည်းပြသစ်အဖြစ် ၃ နှစ်စာချုပ်ဖြင့် အစားထိုးခန့်အပ်ခဲ့သည်။ ဘုန်းမောက်နှင့် ဝုလ်ဗ်အသင်းတို့ကို ကိုင်တွယ်ခဲ့ဖူးပြီး ၂၀၂၆ ဇန်နဝါရီမှစတင်ကာ စထရာဘိုးအသင်းကို ကွန်းဖရန့်လိဂ်ဆီမီးဖိုင်နယ်သို့ ပို့ဆောင်ပေးနိုင်ခဲ့သည့် ဂယ်ရီအိုနေးလ်က ယခုကဲ့သို့ ခန့်အပ်ခံရခြင်းမှာ ဆုလာဘ်တစ်ခုဖြစ်ပြီး စိန်ခေါ်မှုများအတွက် စိတ်လှုပ်ရှားမိကြောင်း ပြောကြားခဲ့သည်။