(၁၀)ကြိမ်မြောက် ကမ္ဘာ့ MSME နေ့အခမ်းအနားကို နေပြည်တော် MICC-1 တွင် ကျင်းပမည်

(၁၀) ကြိမ်မြောက် ကမ္ဘာ့ အသေးစား၊ အငယ်စားနှင့် အလတ်စား စီးပွားရေးလုပ်ငန်းများ (MSME) နေ့ အခမ်းအနားကို စက်မှုနှင့် အသေးစား၊ အငယ်စားနှင့် အလတ်စားစီးပွားရေးလုပ်ငန်းများ ဖွံ့ဖြိုးတိုးတက်ရေးဝန်ကြီးဌာနက လာမည့် ဇွန် ၂၇ ရက်နှင့် ၂၈ ရက်တို့တွင် နေပြည်တော်ရှိ မြန်မာအပြည်ပြည်ဆိုင်ရာ ကွန်ဗင်းရှင်းဗဟိုဌာန (၁) (MICC-1) ၌ ကျင်းပသွားမည်ဖြစ်သည်။ ယခုနှစ်အခမ်းအနားတွင် AI ခေတ်အတွင်း မျိုးဆက်သစ် စီးပွားရေးလုပ်ငန်းရှင်များ၏ အခန်းကဏ္ဍကို အဓိကထား ဆွေးနွေးမည်ဖြစ်ပြီး ကမ္ဘာတစ်ဝန်း အလုပ်အကိုင်ဖန်တီးပေးခြင်း၊ ဆင်းရဲနွမ်းပါးမှု လျှော့ချခြင်းနှင့် လူငယ်များ၏ တီထွင်ဖန်တီးနိုင်စွမ်းကို မြှင့်တင်ပေးခြင်းစသည့် MSME ကဏ္ဍ၏ အရေးပါပုံများကို ဖော်ဆောင်သွားမည်ဖြစ်ကြောင်း သိရသည်။