မြန်မာ၊ ရုရှားနှင့် ဘယ်လာရုစ် လွှတ်တော်အချင်းချင်း ပူးပေါင်းဆောင်ရွက်ရေးအတွက် ပြည်သူ့လွှတ်တော်ဥက္ကဋ္ဌ ဦးခင်ရီ ရုရှားနိုင်ငံသို့ သွားရောက်

ပြည်သူ့လွှတ်တော်ဥက္ကဋ္ဌ ဦးခင်ရီသည် ရုရှားနှင့် ဘယ်လာရုစ် အောက်လွှတ်တော်ဥက္ကဋ္ဌများ၏ ဖိတ်ကြားချက်အရ "Great Heritage – Common Future" အမည်ရှိ ဒုတိယအကြိမ်မြောက် နိုင်ငံတကာ ဖိုရမ်သို့ တက်ရောက်ရန် ဇွန်လ ၁၉ ရက်တွင် ရုရှားနိုင်ငံသို့ သွားရောက်ခဲ့ကြောင်း သိရသည်။ လေကြောင်းခရီးဖြင့် ရုရှားနိုင်ငံ မော်စကိုမြို့သို့ ရောက်ရှိလာသည့် ပြည်သူ့လွှတ်တော်ဥက္ကဋ္ဌနှင့် အဖွဲ့ဝင်များအား ရုရှားဒူးမားလွှတ်တော် ဒုတိယဥက္ကဋ္ဌ၊ ဘယ်လာရုစ်လွှတ်တော် တာဝန်ရှိသူများနှင့် ရုရှားနိုင်ငံဆိုင်ရာ မြန်မာသံအမတ်ကြီး ဦးမျိုးမိုးအောင်တို့က လေဆိပ်၌ ကြိုဆိုခဲ့ကြပြီး၊ ခရီးစဉ်အတွင်း လွှတ်တော်အချင်းချင်း ပူးပေါင်းဆောင်ရွက်ရေးဆိုင်ရာ ကိစ္စရပ်များကို ဆွေးနွေးသွားမည် ဖြစ်ကြောင်း သိရသည်။