မော်ရိုကိုအသင်းခေါင်းဆောင် ဟာကီမီ မုဒိမ်းမှုစွဲချက်ဖြင့် တရားရင်ဆိုင်ရမည်ဖြစ်ပြီး အယူခံဝင်မှု ပယ်ချခံရ

မော်ရိုကိုလက်ရွေးစင်အသင်းခေါင်းဆောင် ဟာကီမီ (၂၇ နှစ်) သည် ၂၀၂၃ ခုနှစ်အတွင်း ပါရီမြို့ရှိ ၎င်း၏နေအိမ်၌ အသက် ၂၄ နှစ်အရွယ် အမျိုးသမီးတစ်ဦးအား မုဒိမ်းကျင့်ခဲ့သည်ဟူသော စွဲချက်ဖြင့် တရားရင်ဆိုင်ရတော့မည်ဖြစ်ကြောင်း တရားလိုရှေ့နေများက အတည်ပြုခဲ့သည်။ အဆိုပါအမှုနှင့်ပတ်သက်၍ ပါရီအစိုးရရှေ့နေရုံးက ၂၀၂၃ ခုနှစ် မတ်လကတည်းက စုံစမ်းစစ်ဆေးခဲ့ခြင်းဖြစ်ပြီး၊ စုံစမ်းစစ်ဆေးရေးတရားသူကြီးက ၂၀၂၆ ခုနှစ် ဖေဖော်ဝါရီလတွင် အမှုကို ရုံးတင်စစ်ဆေးရန် ညွှန်ကြားခဲ့ခြင်းဖြစ်သည်။ ဟာကီမီဘက်က တရားရင်ဆိုင်ရမှုကို ပယ်ဖျက်ပေးရန် အယူခံဝင်ခဲ့သော်လည်း မအောင်မြင်ခဲ့ဘဲ၊ ၎င်းကမူ လူမှုကွန်ရက်မှတစ်ဆင့် စွပ်စွဲချက်များအားလုံးကို ငြင်းဆန်ထားပြီး လက်ရှိတွင် ရုံးတင်စစ်ဆေးမည့်ရက်ကိုမူ မသတ်မှတ်ရသေးကြောင်း သိရသည်။