ရန်ကုန်တိုင်းဒေသကြီး၊လှိုင်သာယာ(အရှေ့ပိုင်း)၌ ကျပ် ၈၆ သိန်းတန်ဖိုးရှိ စိတ်ကြွဆေးပြား ၄,၃၀၀ ပြားနှင့်အတူ တရားခံ ၄ ဦး ဖမ်းဆီးရမိ

ရန်ကုန်တိုင်းဒေသကြီး၊ လှိုင်သာယာ(အရှေ့ပိုင်း)မြို့နယ်၊ ကျုံစု(တိုးချဲ့)ရပ်ကွက်ရှိ နေအိမ်တစ်အိမ်တွင် ဇွန်လ ၁၃ ရက် မွန်းလွဲပိုင်းက မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့က ဝင်ရောက်ရှာဖွေခဲ့ရာ ဒေသကာလတန်ဖိုးငွေကျပ် ၈၆ သိန်းတန်ဖိုးရှိ စိတ်ကြွရူးသွပ်ဆေးပြား ၄,၃၀၀ ပြား၊ မြန်မာငွေကျပ် ၂၀,၀၀၀ နှင့်အတူ လင်းလင်းနိုင်၊ မသန္တာအောင်၊ မသိမ့်သိမ့်ထွန်း(ခ)ပြည့်ပြည့် နှင့် မအိခိုင်ဇင်(ခ)အမွေစိန် တို့ ၄ ဦးကို ဖမ်းဆီးရမိခဲ့ကြောင်း CCDAC MYANMAR ၏ ထုတ်ပြန်ချက်အရ သိရသည်။ လက်ရှိတွင် ၎င်းတို့ ၄ ဦးအား လှိုင်သာယာ(အရှေ့ပိုင်း)မြို့မရဲစခန်း၌ မူးယစ်ဆေးဝါးနှင့် စိတ်ကိုပြောင်းလဲစေသောဆေးဝါးများဆိုင်ရာဥပဒေအရ အမှုဖွင့်လှစ်ကာ ကွင်းဆက်များ ဆက်လက်ဖော်ထုတ်လျက်ရှိကြောင်း သိရသည်။