မြန်မာ့ဝဥများ တရုတ်သို့ တင်ပို့နိုင်ရေးနှင့် သစ်သီးဝလံကုန်သွယ်မှု မြှင့်တင်ရန် ယူနန်ခရီးစဉ်အတွင်း နားလည်မှုစာချွန်လွှာ (MoU) ရေးထိုး

မြန်မာနိုင်ငံ သစ်သီးဝလံ၊ ပန်းမန် နှင့် ဟင်းသီးဟင်းရွက် စိုက်ပျိုးထုတ်လုပ်တင်ပို့ရောင်းသူများအသင်း (MFVP) တာဝန်ရှိသူများသည် မြန်မာ့သစ်သီးဝလံကဏ္ဍ ဖွံ့ဖြိုးတိုးတက်ရေးနှင့် စီးပွားရေး ပူးပေါင်းချိတ်ဆက်ရန် ဇွန်လ ၉ ရက်မှ ၁၃ ရက်အထိ တရုတ်နိုင်ငံ၊ ယူနန်ပြည်နယ်သို့ သွားရောက်ခဲ့ပြီး ခရီးစဉ်အတွင်း အသင်းဝင်ကုမ္ပဏီတစ်ခုမှ မြန်မာ့ဝဥများ တရုတ်နိုင်ငံသို့ တင်ပို့နိုင်ရေး အထွေထွေပူးပေါင်းဆောင်ရွက်မှု MoU ရေးထိုးနိုင်ခဲ့ကြောင်း သိရသည်။ အဆိုပါခရီးစဉ်တွင် 10th China-South Asia Expo နှင့် 30th Kunming Import & Export Fair တို့သို့ တက်ရောက်၍ စီးပွားရေးမိတ်ဖက်အသစ်များနှင့် ချိတ်ဆက်ခဲ့ကြပြီး၊ ကူမင်းမြို့ရှိ သစ်သီးလက်ကားဈေးကြီးများသို့ သွားရောက်ကာ မြန်မာ့သစ်သီးဝလံများ အရည်အသွေးမြင့်မားစွာ ဈေးကွက်ရရှိရေး၊ အပြန်အလှန်ရင်းနှီးမြှုပ်နှံမှုနှင့် ကုန်သွယ်မှုလမ်းကြောင်းများ အဆင်ပြေချောမွေ့စေရေးတို့အတွက် ယူနန်ကုန်သည်များနှင့် အသေးစိတ် ဆွေးနွေးခဲ့ကြကြောင်း သိရသည်။