မြစ်ကြီးနား လမ်းကြောင်းတစ်လျှောက်ရှိ မြို့၊ ရွာများ ပြန်လည်ထူထောင်ရေးအတွက် တတိယအကြိမ်မြောက် ထောက်ပံ့ရေးပစ္စည်းများ ထပ်မံရောက်ရှိ

မြစ်ကြီးနား လမ်းကြောင်းတစ်လျှောက်ရှိ မြို့၊ ရွာများ၌ ပြန်လည်ထူထောင်ရေးလုပ်ငန်းများ ဆောင်ရွက်ရန်အတွက် အထောက်အကူပြုပစ္စည်းများနှင့် ထောက်ပံ့ရေးကုန်ပစ္စည်းများ တင်ဆောင်လာသည့် မော်တော်ယာဉ်တန်းသည် ဇွန်လ ၁၃ ရက် (ယမန်နေ့) က မြစ်ကြီးနားမြို့သို့ တတိယအကြိမ်မြောက်အဖြစ် ထပ်မံရောက်ရှိလာကြောင်း သိရသည်။ အဆိုပါ ထောက်ပံ့ရေးခရီးစဉ်ကို ပထမအကြိမ်အဖြစ် မေလ ၁၂ ရက်တွင်လည်းကောင်း၊ ဒုတိယအကြိမ်အဖြစ် မေလ ၃၁ ရက်တွင်လည်းကောင်း ပေးပို့ခဲ့ပြီးဖြစ်ကာ ယခုတတိယအကြိမ်တွင် အခြေခံစားသောက်ကုန်များ၊ လူသုံးကုန်ပစ္စည်းများ၊ ဆောက်လုပ်ရေးလုပ်ငန်းသုံးပစ္စည်းများ၊ ဆေးနှင့် ဆေးပစ္စည်းများ၊ ကျောင်းသုံးစာအုပ်များနှင့် စက်သုံးဆီများ တင်ဆောင်လာသော မော်တော်ယာဉ်များနှင့် မီးသတ်ကားများ ပါဝင်ကြောင်း သိရသည်။