ရန်ကုန်တိုင်းဒေသကြီး၊ သာကေတမြို့နယ် ဇိနမာရ်အောင်စေတီတော် မြောက်ဘက်မုခ်အဝင် အင်ကြင်းဥယျာဉ်လမ်းခင်းခြင်းနှင့် ရေမြောင်းပြုလုပ်မည့်လုပ်ငန်းခွင်အား တိုင်းလွှတ်တော်ဥက္ကဋ္ဌ ကွင်းဆင်းကြည့်ရှု

ရန်ကုန်တိုင်းဒေသကြီး၊ သာကေတမြို့နယ်ရှိ ဇိနမာရ်အောင်စေတီတော်မြတ်ကြီး၏ ဧရာဝဏ်လမ်းမကြီးမှ မြောက်ဘက်မုခ်အဝင် အင်ကြင်းဥယျာဉ်လမ်းကွန်ကရစ်ခင်းခြင်းနှင့် အုတ်ရေမြောင်းတူးဖော်ခြင်း လုပ်ငန်းများ ဆောင်ရွက်နိုင်ရန်အတွက် ရန်ကုန်တိုင်းဒေသကြီးလွှတ်တော်ဥက္ကဋ္ဌ ဦးဌေးအောင်၊ တာဝန်ရှိသူများနှင့် အလှူရှင်များသည် ဇွန်လ ၁၃ ရက် တွင် ကွင်းဆင်းကြည့်ရှုစစ်ဆေးခဲ့ကြောင်း သိရသည်။ အဆိုပါလမ်းနှင့် အုတ်ရေမြောင်း ဖြစ်မြောက်ရေးကော်မတီ၏ လုပ်ငန်းညှိနှိုင်းအစည်းအဝေးကိုလည်း ဇွန်လ ၁၂ ရက်နေ့က တိုင်းလွှတ်တော်ဥက္ကဋ္ဌ ဦးဆောင်၍ ကြိုတင်ပြုလုပ်ခဲ့ကြောင်း သိရသည်။