မန္တလေးတိုင်းဒေသကြီး၊ မန္တလေးမြို့တွင် ဇွန်လ ၁၄ ရက် ယနေ့နံနက် ၁၂ နာရီ ၃၂ မိနစ် (AM) အချိန်က အင်အားအနည်းငယ်သိသာသည့် နောက်ဆက်တွဲမြေငလျင်တစ်ခု လှုပ်ခတ်သွားခဲ့ကြောင်း သိရသည်။ မိုးလေဝသနှင့်ဇလဗေဒညွှန်ကြားမှုဦးစီးဌာန၏ ထုတ်ပြန်ချက်အရ ၎င်းငလျင်သည် ယနေ့နံနက် ၀၀ နာရီ ၃၁ မိနစ် ၄၂ စက္ကန့်အချိန်တွင် အနက် ၁၀ ကီလိုမီတာကို ဗဟိုပြု၍ လှုပ်ခတ်ခဲ့ခြင်း ဖြစ်သည်။ ငလျင်ဗဟိုချက်မှာ မန္တလေးမြို့အနီး ပုသိမ်ကြီးမြို့နယ်၏ အရှေ့-အရှေ့တောင်ဘက် ၈ မိုင်ခန့်အကွာကို ဗဟိုပြုကာ ရစ်ခ်တာစကေး ၃.၆ (Magnitude) အဆင့်ရှိ နောက်ဆက်တွဲငလျင် (Aftershock) အဖြစ် လှုပ်ခတ်ခဲ့ခြင်းဖြစ်ကြောင်း သိရသည်။
